Konnacheim Bexttench Ghonxttinakat
Jedna ami lekh boroitanv tedna chotrai dovrunk zai. Jedna ami itihas boroitanv tedna ami tarik, dis, mhoino ani voros sarkem borounk zai. Nam zalear fuddli pillgi guspoteli. 2009 vorsa amche igorjechim 250 vorsam somorombhlim tedna Souvenir bhair kaddlolo. Kaim chuki zaleat teo hanvem mhojea “Mhaka Iead Ieta” hea lekhant sarkeo keleleo asat. Konknni bhaxen ek mhunn’nni asa: “Kavlleak morachim pakham lailear to mor zainam”. 2011 vorsa St. Estevam Sports Cluban Souvenir kaddlolo tedna Casa do Povo-haka pon’nas vorsam bhorlim. Tea Souveniracher kaim chuki asat. Mhozo Illustrious Bhenddekar lekh asa to sarko vach’cho. Dubhav aslear borounk favonam. Mhaka Journey Down The Ages In Search Of St. Valentine ho lekh borounk dha vorsam laglim. Adim konnui vortoman potrancher Valentine’s Day-hacher lekh (articles) zai toxe boroitalet. Mhozo lekh potrar diunche adim hanvem zaitea zannachi budh ghetli. Zaiteam Cardinalani to topasun pollelo. Jedna to vortoman potrancher xapun ailo konnem to le...