The Santo Estevam Blog

Santo Estevam zunvear dog fanki kalakar asle tanchim nanvam mhojea lekhant “Goenkar Sanddtele”-hantunt ghalunk visorlom. Sorgest Felix Fernandes (Ghaddi) ani Victor Silveira (Mittmitto). Felix Fernandes-hannem aple tiatr boroun fanki (professional) kolakarank dilele asat. Tannem Bombaim Zunvemkarank gheun “Noxibacho Gunn” ho tiatr dakhoilo. Victor Silveira hannem sabar tiatrani Goeam toxem Bombaim kola kelea. Sorgest G.C. Gomes ani Jerry Rod (Xenddo) he fanki kalakar. G.C. Gomes hannem kitlech tiatr dakhoileat. To gitam ghoddpi. Jerry Rod hannem kitleach Zunvemkarank toxem fanki kalakarank gitam xikoileant. Aiz poriant lok tancho ugddas kortat. G.C. Gomes hacho fanki tiatr zaun asa “Xevott Chorancho”. Roger Fernandes ho fanki gitam ghoddpi. Tannem kitleach bhurgeank gitam xikoileant toxench kitleach tiatrani kala kelea. Socorro de Santo Estevam (Socorro Dias) hannem kitlech tiatr boroileat, kitleach tiatrani kala kelea ani bhurgeank gitam xikoileant. Tech porim D.X. Monteiro hannem za...

This is the editorial that appeared in the July 2013 issue of the Church Bulletin "St. Estevam Firgojechi Zap". Pavsachea kallant ami bhitor sorleanv. Soglleak chodd bebeancho avaz. Junhachea mhoineant amkam ekdom chodd pavs zhoddlo. Amchea xetani pitt’ttov, sangttam (cat fish) bhitor sorlim. Kaim lokan him gabollechim sangttam urchin khal’lim. Konge kaddpak zaito lok xetant dixtti poddlo. Kaim zannani aplim xetam nangorlim. Thoddim amchim bhav-bhoinnam amchea ganvant xetam roitat hem polloun khos bhogta. Soglleanim ap-aplim xetam roilolim zalear ekdom borem zavpachem. Amchem Zunvem “Ilha Verde” odhik sundor ani hirvem dispachem. Amchem Zunvem xakechem Zunvem (vegetable island) mhunn vollkhotat. Lok tore-torecho bhaji-palo roitalo. Zunvemche bhendde adim famad asle. Hea khatir Zunvemkarank bhendde mhunntat. Jackson Dias aplea eka gitant hea Sant Istev Zunveachem borem vornnon korta. Amkam kitli zomin asa torui ami ti padd dovorlea. Lokanim ap-aplea lhan-lhan porsani bhaji...

Amerikecho raxttrapoti John F. Kennedy oxem sangtalo: “Tum mhunnonaka desan aplea khatir desan kitem kelam punn tum chint apnnem desa khatir kitem kelam tem”. Desam-desani fuddareancher lok visvas dovortalo. Bharat desacho vhodd fuddari Mahatma Gandhi-hannem xantikaien (non violence) Bharatak suttka melloili. Bishop Desmond Tutu lokak nit mellpak serkaracher add zhuzlo. Lok fuddareancher visvas dovorta punn fuddari lokak fottoitat. Gele vechnnukek Congress serkar bhroxttachari mhunn BJP pokx nivddun ailo. Mopa vimantoll bandta mhunn Goeam cholvoll suru zalea. Konkan Railway naka mhunn cholvoll suru zali punn kaim fuddareani lokak fottoile. Adim amche zanntte konnui tor fottoit vo ghat korit zalear Purtugezint mhunntale, “São Pedro negou” (Sam Pedru negar gelo). Goeam min kaddpachem bond zalam punn proxnn suttavo zaunk nam. Goenchea serkarak zai min suru kel’lem punn vavurpi (activists) asat tankam naka. Min bond zal’leak Goeant xanti zalea. Goeam Congress harlo tachem karann mhunn...