Mogan Zata Tem Ragan Zainam

Jackson Dias

Ameikecho raxttrapoti sorgest John F. Kennedy ek promannik munis aslo. To zaun aslo Katolk (Roman Catholic). Taka sosnnikai asli ani to rokddoch uchamboll zai naslo. To goreank toso khapreank ekech nodren polletalo. Hakach lagon taka jivexim marlo. Tosoch Amerikecho fanki raxttrapoti sorgest Abraham Lincoln goreank toso khapreank mogan vagtalo. Hakach lagun takai jivexim marlo.

Russiecho Komunist vorixtt fuddari Nikita Khruschev Cuba des aplea tabeant gheunk sodtalo. Tannem apleo zhuzacheo boati Cuba desak tenkoileleo ani akromonn korunk sodtalo. Amerikechea raxttrapoti Kennedy-n Khruschev-ak xiddkailo ani chouvis horam dilim boati patthim gheunk. Poilo Khruschev koddok ravlo ani magir bhielo ani apleo boati patthim ghetleo. Khruschev ani Kennedy ixtt zale.

 Kennedy ek vhodd zhuzari aslo. Konnem tor P.T. 109 hem cholchitr pollelam zalear ojeap zatele Kennedyk zai aslem zalear gomoinastanam Russiecher akromonn korunk zatalem. Punn tannem toxem korunk nam. Sogllem mogan kelem. Konknni bhaxent ek mhunn’ni asa: Ixttagot zoddunk zaito kall lagta punn moddunk ekuch utor puro. Tedna tor Amerikechem ani Russiechem zhuz pettlelem zalear sonvsarachem tisrem vixv zhuz suru zatelem aslem. Atam soglle des ekamekak bhielele asat. Soglleam lagim nuclear hatiaram, hydrogen bomb, chemical ani biological hatiaram asat.

Ek zannar mhunntalo, “Atom bomb fodd ani kazari jivit modd.”  Tumchea kazari jivitant somzonni asunk zai. Eke ujeache kitt’tten agttem korunk zata. Bhag. Paulu (zo ek vhodd zannar aslo ani jivit bhor ankvar ravlo) oxem mhunntalo, “Kazar zalear borem ani zainam zalear odhik borem.” Atanchea kallar ami polletanv kitleaxeach kazaream modem zhogddim ani kestavam. Ghov-bailam ekamekak dubhavtat, bailo ghovank kimchonneo ani kizilam (nagging) korun sotaitat. Hache voir eka Inglez zannaran oxem boroilelem asa, “Behind every successful man is a woman… nagging him to death.” Nodor marun pollelear hem sot mhunn disun ieta.

Tor hem monant dhorat -  mogan zata tem ragan zainam. Mog asundi.

Comments

Popular posts from this blog

Honrad Ami Zunvenkar

Bombay Meri Hai - With Lyrics

Meu Amor - A Song By Usha Iyer - With Lyrics