Bhavnam (Emotions)

Jackson Dias

Inglezin ek mhunn’ni asa: “Emotions can sometimes run very high”. Bhavnam asat khuxealponnachim, bhavnam asat tum niraxi zatai tedna. Jedna munis khuxeal asta taka khobor asonam khoim pavlam an kitem korchem tem. Kaim vorsam patthim amcho ek zunvemkar bhurgo Mumboi SSC pass zal’lo. To chodd khu xeal aslo. Jedna to khuxeal aslo aplea soirea-ixttank mellonk Wadala railway track utortalo. Okosmat gaddi aili ani gaddie pondak poddon thoinch somplo.

Mithun Chakraborty ho Hindi cholchitrancho fanki kalakar to logn zal’lo punn torui astanam cheddvam tache patthlean aslim. Taka somzonaslem kitem korchem tem. Jedna ek potrkar tache lagim mulakhat gheta to tea potrkarak sangta, “I made a blunder by getting married.” Jedna to niraxi zata to sanyasi zaunk sodta. To eka sadhuak mellta Himalaya dongra sokol ani taka aplea jivitachi kotha sangta. Sadhu taka sangta tujean sanyasi zaunk zainam mhunn. Ho hero Mithun Chakraborty niraxi zata ani aplea ghara portota.

Jimi Hendrix ho fanki kalakar bara sutanchem (strings) guitar vazoitalo. Tacho show asa mhunn gomlear lok thoim zomtalo (crowd puller). Punn vichitr gozal mhonnlear show kabar zatoch to aplem guitar foddtalo. Tench guitar to dusrea showak vazoinaslo.

Cliff Richard ho nanv-vosto Inglez gitam gavpi. Tannem zaitim mogachim gitam gailim. (Romantic songs) Tannem aplem tem jivit soddlem ani gonvlli (pastor) zalo. To atam Jezuchim gitam gaita. Kaim munis zaum Kristi, Hindu, Musolman, magnnim kortana roddtat. tancher bhar ieta.

Jedna ek munis niraxi zata to kiteim korunk xokta. G.M.C. hospitalant mhozo ek ghorcho duent aslo. Taka hanv bhettonk vetalom. Thoim mhaka ek iadnik mell’lo - sorgest Pri. Alvito Vaz. Tovui duent aslo, taka diabetes asli. Punn to sokallcho G.M.C.-int misachem bolidan kortalo ani zaito lok astalo. Jedna taka hanv bhettlom ani tacho ixtt zalom tannem aplea jivitachi kotha sangli. To itlo koddok, tannem aplea jivitant konnakuch soddunk nant nhoi mhunn aplea vhoddilank. Hanv chint’talom ho iadnik koso zalo?  Jedna  hanvem mhojea kalakar  ixtt-ak  sorgest Pri. Planton Faria lagim  vicharlem, “To sondanch  tosoch?”  Tannem  mhaka  sanglem,  “Taka konnem tori  dukoila… To poilo toso naslo”. Tannem fanki Konknni palkacho kalakar Prem Kumaracher nitisobhent khottlo ghalo ani taka naka kelem. 

Fanki Albert Einstein jedna aplea roomant kamak astalo to aple bailek aplea roomant ienaka mhunn. 

Zaitea munxeank dusreancho rag ieta ant te oxem mhunntat, “Hanv fonddant vochosor tum mhaka soddchonaim?” Zaite pautt ami misam ditanv te fonddantle utthon sorgar vochonk?

Bhavnam boreponnachim astat ani niraxiponnachim astat.