Koslem Provachon Kortai?

Jackson Dias

Porob Povitr Ghorabeachi (Holy Family). Provachon Sant Istev Ximitrichea Ghorabeachem? Tunvem proxnn kitem to zanno zaunk zai asloi. Tunvem ximitri pattlean kitem zalam tem pollounk zai asleim. Zunvenchea lokachi ttika kelear zainam. Tuka khobor asa igorjechea adrar dha metr rosto dakhoila mhunn. Zunvencho lok bexttoch Ponnje veta? Tumi Sant Istev zunvear ieun geleat. Tumi kitem onnbhovlam? Tumi zannot Goeam kitem zatelem tem Zunvear poilem suru zata.

Amchea Zunvear kitloch porki lok ieun pott bhorta. Zunvenkar konnank dukhoinant. Konnui Zunvear aile mhunntoch tankam porot vochom disonam. Zunvenkar moipaxi, visvaxi ani sussegad punn ek pautt utthot zalear bosonk avgodd. Sonvsaracho fanki totv-vigiani Madhav Gadgil, adlo Chief Town Planner Edgar Ribeiro, Comunidadicho zannar Adv. Andre Pereira, fanki kalakar Hema Sardesai amchea Zunvear ieun geleant. Tosoch Fransacho pongodd (Estudantes Universidade de Paris) ieun geleant. Xetam-porsam roitat tankam adhar ditelim. Konnui Zunvear bhitor sorlo zalear porot vochom disonam. Ami tor xristi (Mother Earth) sambhallinaum zalear ani osleo imaroti (mega projects) aileo zalear amchem Zunvem hirvem urchenam. Ghorche bhedi bhaile chor.

Amcha purvozani ganv sambhall'la. Ximitiri bhitorlean rosto ailear lokani aplea mogianche putle bandlele te kitem kortai? Te monument vhoron khoim ghaltai? Tum kor, hanv polletam? Palni bandachea contractorak ani amche igorjek kitem soirigot asa? To ximitirint koso bhitor sorlo? Te dha hozar ghetle zalear ani taka receipt dilo zalear kitem zatelem aslem?

Dusrea ganvani igorzo ani kopelam bandunk Zunvenkarani adhar dila. Residency bandak Zunvenkaranche poixe moddleat, dusreanche poixe haddunk nant. Zunvear ekar ek proxnn asat. Proxnn kobar zainant. Sorkar sangta khaznnacho nokso (map) toiear zaunk nam mhunn. Zunvenchea khaznna/zongllancho settlement konnem kela? Fuddle pillgek tumi borem korun dovrunk zai nam tor fuddli pillgi tumkam xirapteli.

Practise before you preach. Provachon tumi oxem korunk zai aslem: Be a model like the Holy Family of Bethlehem.

Altaracher provachon kortana, palkacher gitam gaitana konnaichem bexttench voir kaddchem nhoi. Sot sangonk zai dubhau aslear sangonk upkaronam. Bexttich kator bhaji?

Comments

Popular posts from this blog

Honrad Ami Zunvenkar

Bombay Meri Hai - With Lyrics

Meu Amor - A Song By Usha Iyer - With Lyrics